SCENA XII.
Carlo, Norma e detti.
Carlo (d. d.)
Ohe! Daniel, dame una man.
Daniel.
Cos'è nato?
Carlo
(entra, seguito da Norma, con molti pacchi di roba. Carlo tiene in mano anche un elegante porte-enfant con merletti, ecc.).
Cavèghe quela roba. Ciò, Cecilia, varda to comare cossa che la ga fato. (Giudita e Daniel sono affaccendati ad aiutare Norma e Carlo) Oh! Nobilomo, riverisco.... Scusi, sa....
Vidal.
Gnente, benedeto, el fazza el so comodo, (a Bapi) Xela la comare levatrice quela?
Cecilia
(che avrà finto di non sentire — sempre allegra verso Lisa). Dele scufiete! dele scufiete!
Vidal.
Coi so mati nastrini.... ma benon! (a Bapi) Chi xela quela signora?
Bapi.
No la conosso. El sà, so apena tornà a Venezia....
