Giudita.
Andè de qua (accenna l'uscio comune) che sento la vose dela Norma in botega.
Варі.
Quela del libreto! Astu visto che deboto la tornevimo a trovar?
Lisa.
Cossa po vienla a infetar la casa de muscio! (via dall'uscio comune)
Daniel.
No la vegnerà minga a far la seconda de cambio.
Giudita.
Ancuo la me trova proprio de vogia. O ben o mal i so soldi xe pronti — la li gavarà forsi anca tirai, e so muso de farghe sbassar le ale. Sèntite là, e no farghe tanti salamelechi.
Daniel
(siede col viso duro).
Giudita
(finge di metter in assetto la stanza).
SCENA III.
Norma, Giudita e Daniel.
Norma
(entra dalla destra ― e parla rivolta in giù).
Grazie, siora Bòvola.... e la compatissa anca ela se geri gero malmontada. (a Giudita e Daniel vedendoli freddi) Patroni tuti.
