Norma.
Eh! ben.... Cossa vegniu fora adesso! Se pol combinar; se sa che ela, prima de tuto, vorà esser sicura che rigarè drito....
Cecilia.
Oh! Per mi co i me lassa sola....
Norma.
La vorà una spiegazion su sti interessi che gavè dito....
Cecilia.
Se no me importa....
Carlo.
A tempo e logo me giustificherò de tuto. (parlano sempre senza che Cecilia intenda il vero significato delle loro parole)
Cecilia.
Me preme che no se vaga tanto per le longhe, perchè presto vien la bona stagion.... Xe qua l'amia, mi ghe lo digo subito.
Carlo.
No, aspeta; voi tentar anca un altro mezo....
Cecilia.
Gnente, gnente; quelo che se ga da far bisogna farlo subito....
Carlo.
Ma che no nassa scene.... che no se senta sussuri....
