tanto no, i omeni! Co s'ha capìo che i conosse i so torti, bisogna molarghe un ponto! (tutto ciò lo dice assestandosi l'abito, il cappello, ecc., per uscire) Ben, co gavè finìo, qua, ve aspeto a casa.... oh! perchè una spiegazion ciara la vogio.... ma senza crussi! Parona, patrona. (via).
SCENA VIII.
Carlo e Giudita.
Giudita (pigliandolo per un braccio).
Mi no ti me volti e ziri, sastu! No so minga una de quele, mi! Adesso vegnarà el nobilomo e ti giustarà ti la facenda; se no ti solo ti andarà in galera, perchè gh'è giustizia po' a sto mondo! Altro che far el galo de la Checa!...
Carlo.
El galo?...
Giudita.
Sì, sì, vergognoso, che savemo tuto oramai!
Carlo (facendo la commedia).
E a ela.... cossa gh'importa?
Giudita.
Per i soldi me importa....
Carlo (c. s.).
... e gnente per altro?
Giudita (guardandolo).
.... e per coss'altro?
