Carlo.
Quatro....
Giudita.
E co ti ghe dassi anca ti una prova de sincerità.... Per esempio, se la te domandasse quei mile franchi....
Carlo.
Questi no; el xe come el mio esercito de riserva.
Giudita (incomincia senza gridare).
Ma no ti capissi che t'ho molà, t'ho molà per vedar dove che ti andevi a finir, e che adesso te molaria quatro sberle da farte....
Carlo (cambiando tono, in napoletano).
E che! che! Che managgia avete caputo?
Giudita.
Caputo sì, volta la brisiola adesso!
SCENA IX.
Daniel e detti.
Daniel (dall'uscio comune).
Ciò! Qua ti xe?... e mi go zirà tute le ostarie....
Giudita.
Lu dovaria dartele, s'el fusse un omo de sesto,
Daniel.
Coss'è nato?
