SCENA XI.
Giudita, poi Alvise, quindi Vidal.
Giudita
(sempre animata).Oh! La vedaremo! Za che tuti me vol morta per quele poche strazze che go, ghe farò vedar che go la pele dura e discoraremo!
Alvise
(entra dall'uscio comune, risoluto).
Dove xe mio papà? La me lo ciama subito!
Giudita (un po' confusa).
Ma veramente mi....
Alvise.
L'è stà visto in strada co una so nessa; dunque i l'ha fato vegnir qua de sicuro e po eco la so pelizza. (irritato) Se el mio avertimento no v'ha fato efeto, vedarè che mantegnarò la parola.
Giudita.
Mi no intendo de disturbar nissun; me basta aver nele man quela ricevuta ch'el m'ha fato firmar a tradimento....
Alvise.
Ve l'andarè a tor dal Procurator del Re.
Vidal
(rientra assai addolorato).
