Emilia.
La gavaria bisogno.
Momolo.
Ma tasè, se podè, diseva san Filipo Neri, ascoltème. Per tuto sto mese se adataremo de star uniti. Magari ti, mama, ti tegnarà quele do camare là, e ti Emilia, quele do là.
Emilia.
Oh! Mi vogio la mia libertà.
Rosa.
No vogio rendarme s'ciava.
Momolo.
Ben! E vualtre fè quel che volè. Intanto çercarò casa e faremo massarìa.1
Rosa.
Va ben. Piutosto che viver co' ela, me adato a restar sola come un can.
Toni.
Oh! Sola no. La senta, siora Rosa, ela e so sorela le vegnarà a star co' nu.
- ↑ Far massaria: sgomberare.
