Вері.
Tasi, che forse per ti sarà restà qualcossa; no xe vero Rosa?
Rosa.
Cossa vorlo che sia restà? Ghe digo che xe svolà in corte fin l'ultima fregola de pan.
Menego.
Ah buzareti! E nualtri, che se torna da l'ufizio co' sta sgnèsola de fame, ne toca restar a stomego vodo.
Bepi.
Cossa vustu che te fassa anima mia? Mia mare e mia mugier no xe andae mai d'acordo, ma da un poco de tempo no so più che santi ciamar.
Menego.
Almanco se pol saver percossa che le ga butà el disnar fora del balcon?
Bepi.
Cossa vustu che te diga anima mia? Co so vegnuo a casa le go trovae serae una qua
accenna a destra.
e l'altra là;
