comedia che diverte, che comove, resta impressa, e no se la scorda più. El teatro xe una gran scuola, vecio mio! E no te lo digo miga mi, sastu? Lo go sentio dir da professoroni coi fiochi, lo go leto sui libri e sui zornali; e saria proprio al caso de provarlo.
Bepi.
Cossa vustu che te diga? Ris'ciemola! Rosa! Rosa!
Rosa esce.
Vardè che andemo a teatro. Per carità, tendèghe al putelo....
Rоsа.
I va a teatro a stomego vodo?
Menego.
Cussì ghe farà più efeto la lezion.
Rosa.
Cossa? I va a tor una lezion a teatro?
Bepi.
Vu no stè a pensar. Andè presto a tor da çena e vedarè che no nassarà più criori.
