Celestina.
Caro el mio bambin! Vado a darghe un baso! Varda che sia tuto pronto, sa! Semo vegnui avanti intanto che i fa la farsa, per farghe trovar la çena pronta a mia madona e a mio marìo.
Rosa.
Xe tuto pronto; go fato portar suso da l'osto qua da basso....
Celestina.
Brava!... Che mia madona no trova da dir, povera vecia.
Rosa.
No la se indubita; anzi per ela go tolto del pesce come che la m'à ordinà.
Celestina.
Sto pesce, de sera za.... me pararia....
Menego.
Ma lassa che la magna quelo che la vol....
Celestina.
Eh, povara dona; i xe pregiudizi che bisogna
