SCENA II.
Anzoleta e Bepi.
Bepi.
Se ti volevi podevimo restar a tuta la farsa.
Anzoleta.
No, no, che anca to mugier, povareta, gavarà fame. E po' no voleva rovinarme l'impression che m'à lassà la comedia.
Bepi.
La t'à proprio piasso dunque?
Anzoleta.
Per altro i podeva finirla col far pase. Quela separazion no xe natural fra do done che ga un poco de cuor.
Bepi.
Ah! te par anca ti che i podeva giustarse?
