Celestina.
E mi son so mare!
Bepi.
Ricordeve de la comedia....
Menego.
Le “barufe in famegia!„
Celestina.
Ma sì, la se senta e la magna el so pesce che me fa mal a sentir l'odor.
Anzoleta.
Mi no me fa mal invece che far quelo che xe contrario ala religion!
Celestina.
La religion no ghe entra nel magnar.
Anzoleta.
La religion ghe entra da per tuto. Perchè se scominzia col magnar de grasso al venare e no se sa dove che se possa andar a finir.
Celestina.
La varda de no stussegarme.
