Menego.
Ricordeve dela....
Celestina
interrompendolo
Eh! caro lu, el la finissa co' sta solfa. Nol vede che la par proprio la vecia dela comedia!
Anzoleta.
Mi la vecia dela comedia? Ma no savè che vu sè el ritrato identico preciso de quela che façeva la niora? No ve mancaria proprio che un sior Ubaldo!
Celestina.
La diga, la diga, la varda ben sala! Ma sentiu? Qua no val aver pazienza, soportar i so rabiosessi, no val andarghe co' le bone; ela me dise insolenze, ela vol magnar per forza el pesce per po' tirar suso una barca de dolori. Ma sior no, go dito che se doveva magnar de grasso tuti, e no la la ga da vinçer.
Prende il piatto del pesce e lo getta dalla finestra.
Anzoleta.
Ah sì? Ma gnanca vu no magnarè de grasso.
