Emilia
parla sempre con tutta tranquillità.
Mi, siora, no ghe faso la serva a nissun.
Rosa.
Càspita! La contessa perdaria la so nobiltà a ciapar la scovoleta1 e netàrghe el veladon a so mario!
Emilia.
Contessa o da contar, la xe cussì e, se no ghe comoda, la se la barata.2
Momolo.
Ma via, no stè a criar! Vardè, eco fato, me scovolarò mi.
Prende la spazzola e pulisce l’abito e le scarpe.
Emilia.
Me par che saria ora de darghe el benservio a quela petègola de dona che no la fa altro che smorosar3 per i balconi.
Rosa.
Betina xe quatro ani che la me serve; la me xe afezionada, no la smorosa gnente afato e no la se ga da mandar via.
