Nene.
No, povareto; el xe stà a teatro, el xe vegnuo a casa tardi e po' el xe un poco costipà...1
Rosa.
Me par che la sia una bela increanza anca, star in leto fin le undese!
Nene.
Eh! Mi no so cossa che ti gabi co' quel povaro zovene tanto bon, tanto compìto che el xe.
Momolo.
(Manco mal che l'amia lo ga in bona!)
Rosa.
Anca sì che adesso te càpita i to estri... Se intendemo za?
Emilia.
(Dassèno che la saria bela!)
Nene.
Mi no so cossa che ti vogi dir, sorela. (Ah! Ubaldo, tuti vede el ben che te vogio!)
Momolo
chiamando, sulla porta comune.
Ma Betina! Betina! Santa pazienza!
- ↑ Costipà: infreddato.
