Pagina:Gallina - Le barufe in famegia, Milano, Treves, 1923.pdf/31

Sta pagina la xe stà trascrita, ma la gà ancora da vegner rileta.

Emilia

Sempre con flemma.

Perchè to mama xe fastidiosa, sufistica, puntiliosa, colerica, rabiosa.

Momolo.

E ti che ti conossi el so caratere e che ti xe una dona prudente...ti dovaressi schivar le ocasion de radegar.¹

Emilia.

Mi no vado mai in còlera, mi no crio mai.

Momolo.

Xe vero, ma co' la to flema dele volte ti fa pezo che ela col so fogo.

Emilia.

la voria rendarme s'ciava...

Momolo.

E ti ti tol tuto sula ponta dela spada.

Emilia.

Dunque ti me dà torto?

Momolo.

No, anzi voria...