Momolo.
Va ben. (Cussì posso far de manco de andar in ufizio; no me mancaria altro che i me metesse in disponibilità. Ah! Santa pazienza!)
Esce.
SCENA VI.
Emilia, poi Bettina.
Emilia.
Eh! Mi senza scaldarme, senza far sussuri ridurò tuti a far a mio modo. Co fisso un ciodo vogio spuntarla a qualunque costo.
Bettina.
Xela ela che me ciama?
Emilia.
Varda che da disnar vogio che ti toghi quelo che t'ò dito mi.
Bettina.
E mi, per far megio, no torò gnente.
