SCENA VII.
Orsolina e dette, poi via Bettina.
Orsolina.
Oh! Per miracolo se cria.
Emilia.
(A mi superba...? e po' Dio sa cossa che la gavarà dito ancora!) Intanto ti, calèra, va in cusina e ricordite de quel che t'ò promesso.
Bettina.
Vado perchè go prudenza, la varda. (Una volta o l'altra me ricordo del mistier de mio pare e ghe pèteno la paruca dasseno, mi!)
Esce.
Orsolina.
Par impossibile che no se gabia da aver un'ora de ben, in sta casa.
Emilia.
Eh! Come ti, presto ti te maridi e la xe finia.
