Emilia.
Ah! Cossa? Mio zerman? Te xe saltà dei grili per Ubaldo?
Ride.
Orsolina.
Ciò! Ti ridi adesso?
Emilia.
Co la xe cussì, vecia mia, tiente el to Toni, che mi go tropi dispiaçeri co' to mare e no vogio che la diga che go fato vegnir in casa un zovenoto per sviarte dal to moroso. E po', no ti ga altri feudi da pensar che a quelo?
Orsolina.
Mi credeva che ti gavessi indovinà tuto...
Emilia.
Ubaldo no gavaria nè mezi, nè testa per deventar un capo de famegia e ricordite de aver giudizio e de tender ai fati tui.
Orsolina.
Adesso capisso el ben che ti me vol e capisso anca che la mama no ga po' tuto el torto a dir che ti xe più mata che savia. (Cossa vol dir che la
