una novità; ma ricordarse, no far confusion, tol la cossa in dolçe.
Momolo.
Oh! Cossa ghe xe de novo?
Emilia.
Me son acorta che to sorela vede Ubaldo de tropo bon ocio. Varda de predicarghe, chè dopo, se nasse qualcossa, no me dè la peta1 a mi.
Momolo.
Come? Oh! Santa Maria del Carmine! No mancaria altro che nassesse sussuri co’ Toni!
Emilia.
No nassarà gnente, basta che ti ghe dighi che la gabia giudizio.
Momolo.
No mancava che questa! Senti Emilia, no te par, posto che ghe xe sta storia, se podaressimo farghe capir a Ubaldo de...
Emilia.
Oh! Dio ce ne guardi! Cascasse el mondo, no voglio darghela vinta a to mama.
Momolo.
Ben! E pazienza! Fiat voluntas tua.
- ↑ La peta: la colpa.
