Nene.
Per questo po' gnanca mi no son vecia.
Orsolina.
Ciò! La ga za oto ani manco dela mama...
Nene.
Mi son nata del trentaoto, faghe el to conto, i xe apena trentaquatr'ani.
Bettina.
(Co' quei dela nena e del piovan!).
Nene.
E po za queste xe sempiae; vecie o zovene basta esser timorate de Dio, e no come çerta zente... Se capimo ah Betina?
Orsolina.
Savaressi forsi qualcossa sul conto de l'Emilia?
Nene
con mistero.
Mah! Mi no so gnente; tanto più che no se deve dir mal del prossimo.
Bettina
con mistero.
La ga rason. A mormorar del prossimo se fa pecà, chè da resto se podaria domandar cossa che
