pre scansarla se nò nassaria presto o tardi un precipizio.
Carlotta.
Siora Rosa, gavaria da dirghe una paroleta a quatr'oci.
Rosa.
So qua, vecia mia. Tose, andè pur de là vua1tre.
Bettina
piano a Nene e a Orsolina.
No voria che siora Carlota squaquarasse1 tuto.
Nene
piano a Bettina e a Orsolina.
E chi xe che ga parlà? Vualtre sè stae.
Bettina e Orsolina.
Nualtre? No go gnanca arfià!
Nene.
Ma gnanca mi securo.
Partono brontolando tra loro.
Rosa.
Cossa gala, siora Carlota? La me par malmontada.2
