Carlotta.
Altro che malmontada! Me gavaria aspetà la morte prima che de sentir una roba compagna.
Rosa.
Cassa gala? Xela in còlera co' mi?
Carlotta.
Ela no ghe n'à colpa, siora Rosa, ma vedo che el matrimonio tra mio fio e l'Orsolina andarà in fumo.
Rosa.
Cossa disela? Vorla proprio farme disperar? La parla, cossa ghe xe da novo? Sentimo, via; no la vede che stago sui spìni?
Carlotta.
I spini xe cussì fati che so vegnua a saver da so sorela e da Betina che so niora e sior cosso, là... sior Boldo, sior Baldo, sior diavolo... no la capisse? I se la intende fra de lori...
Rosa.
Ah? Cossa? Ma disela dasseno?
Carlotta.
Altro che dasseno!
