Rosa.
Oh! Santa Maria del Rosario! Ma sala che le xe cosse del'altro mondo? Mi saveva che quela gera una dona mata, puntiliosa, perfida; ma no gavaria mai credesto che la fusse capaçe de... Oh! Povareta mi, povareta mi!
Carlotta.
E la capisse ben, che co' sto esempio in casa, quela tosa...
Rosa.
Ma, siora Carlota, in fin dei conti, cossa ghe entra l’Orsolina? Che colpa ghe n'ala?
Carlotta.
No la ghe n’ha colpa; ma la sa che in ste cosse bisogna andar coi pie de piombo.
Rosa.
La aspeta. La vedarà cossa che farò mi, ghe dago parola...
Sempre assai agitata.
