Emilia.
Ma sentimo! Fora una volta!
Rosa
dice a Momolo, ma Emilia è vicina e sente.
I scandoli xe che culìa e quela bela zogia de so zerman te la fa soto i oci.
Emilia.
Ah! Ah! Ah!
Momolo.
Cossa? No capisso...
Emilia.
Ah! Ah! No ti capissi? Te spiegarò mi. La dise che mio zerman xe el mio moroso e questa xe la causa de ste scene, Ah! magnifica dasseno!
Momolo.
Oh! Ma santo Dio, perdo proprio la testa...
Emilia.
E mi ghe digo che la dovaria tendar inveçe a so sorela che za un pêr de ore la ga dà i versi amorosi a Ubaldo....
Nene.
Oh! No xe vero... El xe sta lu che...
