Sta pagina la xe stà trascrita, ma la gà ancora da vegner rileta.
III.
CANZONETA
Andèmo, Zanze, vèstite,
Fà presto, zogia mia,
La barca xe infornia
De lumini e de fior.
Fa presto, zo, destrighite:
La note xe serena;
Varda, la luna piena
Sluse sul Redentor!
Fra vaporeti e gondole,
Fra bali, soni e canti,
Faremo come tanti
Là, in mezo a quel bacan...
Po' magnaremo in tola
Un piato de subioti,
Bagnà co quatro goti
De vin de Conegian.