Sta pagina la xe stà trascrita, ma la gà ancora da vegner rileta.
XXV.
A 'NA SUPERBA
Quando ti sarà morta e sprofondada
Do metri soto tera,
A farte vegnarò 'na serenada
Su 'na gondola nera.
Vogio cantarte un requie e un deprofondi,
Pregando el bon Gesù
Perchè, belezza mia, ti te sprofondi
Çento metri de più...
E a quel bechin che te farà la busa,
(Se là mi ghe sarò),
Vogio racomandarghe che 'l te imbusa
Un chilometro in zo...
In quela busa vegnarà alta l'erba,
E 'na piera dirà:
«Qui marcisce una giovane superba!»
E tuti spuarà...