Capitoli da nuovo introdutti, parte per i bassà, e parte per misser lo ambassador, da esser observadi seguendo la pace.
1. In la cità de Constantinopoli possano Venitiani, e chadaun lor subdito vegnir, star, partir, mercadantie meter, et trar seguramente cum le infrascripte condition — Videlicet:
2. Che ogni mercadantierrata corrige originale se condusesse et metesse in terra per vender, vendude o no, debiano pagar al comerchier del Signor do per C°, simelmente do altre per C de chadauna cosa che de lì trazesse.
3. Veramente, se alcuna nave, galia, e cadauna altra sorta navilio, volesse passar el streto, per intrar in mar mazor, over de lì insir per vegnir zoso, deba sorzer al porto de Constantinopoli, e dar aviso al Subassì, over governador de quella cità, che de tempo in tempo se atroverà per nome del signor, et se l'avesse mercadantie per transito, non debia pagar alcun dacio over comerchio, dandone ampia noticia al comerchier.
4. Per la dita via non,errata corrige originale se possi trar alcuna testa, che sia musulmana, e quanti se troverà de simel condition, se possi meter in libertà senza pagamento alcun. Ma se alcun Venitian havesse menà cum lui schiavo over schiava, che fosse deventà christiani, posto chel fosse stà musulman, chel i non se daga alcun impazo, ma se quel tal schiavo over schiava volesse vegnir musulman, che subito el romagni libero, e che al suo misser no se sia obligadi dar cosa alcuna.
5. In la cità de Constantinopoli Venitiani possi mandar de do anni in do anni uno chi li parerà, el qual sia consolo sopra tuti i altri Venitiani, e de chadauna differentia da Venitian a Venitian, possi ministrar, et render raxon civilmente. Ma se alcuna de le parte chiamasse el judicio del Chadì, che l'altra parte sia tegnuda andar, e star a quello, che per lo Chadì serà cognosudo e sententiado.
6. Le jurisdition del patriarchado de Constantinopoli in le cose ecclesiastice cum griegi sottoposti alla Signoria de Venexia se debiano observar, come se observava in tempo che la cità de Constantinopoli era in governo de griegi.
7. Cadauna sorta de merchadantia e robe, che subditi del predicto Signor metesse over trazesse in luogi della Signoria, debiano pagar de comerchio tuto quanto, robe de Venitiani sono obligade pagar in i luogi del predicto Signor, per la forma predicta, e niente più.
8. Se alcuna fusta, over navilio del predicto Signor, incalzado da suo inemisi, se redusesse in porto de tuti luogi et terre de la Signoria, debiano esser defese e non lassade intrometer, nè danizar da suo immisi, et e converso.
9. Tuti i parizi sì del comun de Veniexia, come de special persone subditi et fideli dela Signoria, i qual fuzisse in li luogi del Signor Turco, e subditi e recommendadi soi, se debiano restituir, et e converso.
10. Tuti i navilij, de cadauna sorta de Vinitiani che naufragasse, over pericolasse in terre e luogi del predicto Signor, che i homeni e la roba che se potesse recuperar e li navilij over parte de queli, coriedi et ogni altra cosa, siano salvi senza alcun impazo, spexa, over graveza, et e converso.
11. Morando alcun Venitian in luogi et terre del Signor, che i lor beni et facultà non siano impazà, nè molestà per alcuno, ma che stia a requisition di
