Pagina:I sogni.djvu/141

Sta pagina la xe stà trascrita e rileta.



LA GOLOSA


La vien su da Sotoriva
co le man ne la traversa,1
co la sbèssola2 roversa
4e 'na voia sul copin...

La vol farghe da cativa
scantonando le parole,
ma la magna le mïole3
8che le sà da brustolin...

Se una sposa ghe dimanda:
«moretina cosa g'ala?»
la fa un sesto co la spala
12come a dir: «quel che vôi mi».

La sta dura, drita, granda,
no se sà cosa la g'abia...
ma la sbocia da la rabia
16come un bòcolo patì...

  1. traversa: grembiale
  2. sbèssola: mento pronunciato in fuori
  3. mïole: semi di zucca abbrustoliti
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:I_sogni.djvu/141&oldid=66699"