LE VOSSE DE LA CORTE
— Da un par de loghi, che dà sora in corte
sensa vasi, nè gabie, nè putini,
3che no g'ò done che li tegna su...
Godo la chiete de ste case morte,
filo un silensio fato de... puntini,
6ma me sento paura anca de lu...
*
* *
* *
— De campane no ariva che le prime;
çerte «Ave Marie» sconte, paesane,
9che te porta el «bon dì» de la passion...
E me le sogno a spasso par le çime
de i campanili, come tante mane,
12che se incontra per far la divossion...!
