Tra campi vignadi, la strada maestra
se slonga, se slarga fra verdi de sesa,1
3la riva del monte, la gira de là.
Coi brassi incrosadi, così, a la finestra,
mi vedo l'Ossario, Custosa, la ciesa
6e penso a le guere del tempo che è stà...
Zò in corte do vache tacade al versòro,2
vien drento dai campi col muso a la stala;
9l'è l'ora de çena, del dolse dormir;
ah forsi ste bestie sul bel del lavoro
j-à verto 'na testa, j-à roto una spala,
12de veci soldadi, che stenta a sparir!
