L'ULTIMA LEVA
Passarà i ani e frusto l'oroloio,
vegnarà anca par mi quel çerto giorno
che marciarò al Ricovaro, al contorno
4de quei lumini che no g'à più oio;
Ociai sul naso, lesarò sul sfoio,
tabacando a la scatola de corno,
co i oci bisi che se guarda intorno,
8sempre in sospeto de un qualunque imbroio...
Passarà i ani, e co la man che trema,
saludando i più veci che va via,
11sensa un ricordo, sensa una bastiema,
Me sentarò su le me quatro asse,
aspetando, all'introl1 de l'agonia,
14che i ciama soto quei de la me classe!
- ↑ introl: vicolo chiuso.
