Un puteleto birichin l’era andà a confesarse par la prima volta. El s’engenocia, e, par la vergogna, el continuava a far girar la bareta fra le mane.
El prete el ghe dise:
— Ben, cónteme. Cos’è-tu fato?
— Ò cria con me sorela.
— Male, male, parche fra fradei bisogna volerse sempre ben. Ma sta fermo con quela barèta. — E el ghe d'à ’n scopelon. — E dopo coss’è-tu fato?
— Ó portado via dei pomi.,,. — E el continuava a far girar la barèta.
— No te sê che no bisogna mai tocar la roba d’i altri? Mia sta fermo con quella barèta; — e el ghe dà ’n altro scopelon.
El puteleto alora el tol su, e el scapa via, lassando la barèta sora l’engenociatojo.
— Speta, spela! che te dago la penitenza e l’assoluzion....
— El la mêla dentro in la bareta, che vegnarò a torla dopo! 1
Un de quei de Zago 3 quando ’l magnava el salame, el meteva sempre via i grani de péar ch’el ghe trovava dentro. El maestro de Zago, che se trovava lì, el ghe dimanda:
— Ma cossa ghe ne fe-tu de sti grani?
— I sémeno, parchè nassa d’i altri salami.
El li credea che fusse la semensa d’i salami!
- ↑ La spiritosaggine arguta ed acuta del biricchino per salvarsi da ripetuti scapellotti, non è irriverenza, è mònito alle buone maniere anche nel rimproverare.
- ↑ pepe.
- ↑ Zago o Azzàgo è un paesello della provincia Veronese situato nell'alta Valpanténa, ritenuto famoso per le cretinerie de’ suoi abitanti, allo stesso modo che noi, in generale, parlando di quei di Cuneo in Piemonte attribuiamo a quella gente laboriosa, e tutt'altro che sciocca, infinite corbellerie inventate da buontemponi.
