Pagina:Il dialetto e la lingua - Antologia vernacola.djvu/68

Intarsi e intai de S. Maria in Organi

     Ci no à mai visto quela secrestia,
El candelabro, el portalibri, el coro,
No l’à mai visto al mondo un bel lavoro,
No ’l sa quel che de belo qua ghe sia!
     El pararìa che un mago o qualche strìa
G’avesse messo man a quel lavoro:
Che se anca i le pagasse a peso d’oro,
Ste maraveje mai no i pagarìa!
     E un stranier ch’el credeva piturado
Quel galèto infarsiado del bancòn
Par sicurarse el l’avarìa ras-ciado¹.
     Da tuto el mondo i vien, fin i Cinesi,
A miràr sti portenti, e con rasòn.
Ma ci no se ne cura?.... I Veronesi!

Vittorio Vitturi

1. La cosa è storica; la chiesa di S. Maria è famosa per il coro e la sacristia, scultura e intarsio in legno di Fra Giovanni.