— Eco dal buso, zo, de la Ferara 1
prima un fuméto. Dopo, sempre più,
da Spiassi 2, con el vento che lo para,
tuto un bombàso bianco salta su....
— Rivado lì ’l va pian; su la «Casàra»
par ch’el se ferma.... ma, improviso, lu,
ècolo dar de sgrinfe 3 a la pontàra 4
par finir chieto drento al lago blù! 5
— El cuèrse tuto. Solo, resta fora
el Montebaldo, e là, su la Bressana,
tre quatro çime... E, con el sol de sora,
— ste nuvole, cambiando in tanta lana,
le ve tenta de dir: «Vaga in malora!
mi me ghe sgnàco drento a far la nana!...»
Giuseppe Barni
Da le case e dai casóti,
Lavandari, fora! fora!,
Che godemo ’na mez’ora
De bacan e bon umor!
E manda a ’l diavolo
Noje e pensieri,
Zo, ciassa e ridi,
Che no l’è mal!
E de vin tondo
Su co i biciéri
Ancò i batéza
Sto Carnoval!
- ↑ Notissima la bella località montanina ed alpestre, di Ferrara di Montebaldo.
- ↑ Gli Spiazzi, di sopra a Caprino, famosi pel Santuario della Madonna della Corona.
- ↑ Sgrinfa, artiglio, branca.
- ↑ Pontàra, salita o discesa a seconda del punto dal quale la si considera.
- ↑ Il Lago di Garda.
- ↑ Molte sono le poesie popolane sull’argomento; fra le varie pur ricordiamo i versi del nostro Vittorio Vitturi sulla festa del venerdì tradizionale fra i rioni veronesi, a gara di mascherate, con a capo il non meno famoso papà del gnocco.
