Pagina:Il vespaio stuzzicato.djvu/107

Sta pagina la xe stà trascrita, ma la gà ancora da vegner rileta.


O, el studio, e la fadiga fà de belo!
     No' ve digo de no, semo d'acordo,
     Che dal Merlo anche mi distinguo el Tordo.
     140Sò ben de che natura è sto zambelo.

Digo bensì, che sta facenda è vera,
     Se l'Homo a far qualche esercizio inclina.
     Con studiosa osservanza el se rafina,
     144E core con honor ben la cariera.

Inclina Un (verbi grazji) a la Pitura,
     Deve bastar cussì? Senz'altro nò.
     Per far quel, ch'è d'honor, bisogna, el sò,
     148Acopiar l'esercizio a la natura.

Ma, se ghe manca el natural talento,
     Habia pur el penel sempre a le man,
     Sia osservante de Paulo, o de Tizian,
     152Sarà pien d'imbriaga el so' formento.

El caminar coi sporteloni al naso
     Xè bon per quei, che languida hà la vista:
     Ma, s'altra malatia l'ochio contrista,
     156L'uso no' fà piu de i cristali al caso.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Il_vespaio_stuzzicato.djvu/107&oldid=62758"