Pagina:Il vespaio stuzzicato.djvu/149

Sta pagina la xe stà trascrita, ma la gà ancora da vegner rileta.


Cussì la se discore; e forsi ben
     Se investe dal Triper qualche marcheto:
     E se manda la grossa, o'l bocaleto
     100Ben più de qualche volta al Magazen.

Ghe vuol altro ala fè che fumo, e boria!
     Mo no' sogio anca mi la so' prosapia?
     Credela che da l'A forsi no' sapia
     104Al Revoltolobus tuta la historia?

Credo anca mi pur de saverla neta!
     Chi è de grazia so' Pare, e'l Parentà?
     Me fè da rider! Cossa hala portà?
     108JLa dota del Friul soto la pieta?

Mo l'hà pur ciera d'una roba tressa!
     E zureria che l'hà su'l naso el ganfo.
     No' ve acorzeu che l'hà un parlar da sgnanfo?
     112E la tartagia, se la parla in pressa?

La parla, e spua in tel viso, e scandoliza
     Quel tanto sridachiar senza sussiego;
     Ne ben se sà (deme perdon ve prego)
     116Se la rida più tosto, o la trombiza.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Il_vespaio_stuzzicato.djvu/149&oldid=62804"