Pagina:Il vespaio stuzzicato.djvu/180

Sta pagina la xe stà trascrita, ma la gà ancora da vegner rileta.


Queste è le so' querele; e vu tratanto
     Sconvegnì tolerar la brena, e'l morso:
     Sè tormentai; ne ve puol dar socorso,
     100In sì fiero destin, Santolo, o Santo.

Me vien da rider, quando sento a dir:
     O, se podesse conseguir la tal,
     Ch'hà cussì rico, e grosso cavedal,
     104Voria pur la mia sorte benedir!

Quanto haverave mai giubilo al cuor!
     Quante gran cosse saverave far!
     Che gran fortuna! O mato da ligar,
     108Và pur in prova, e cavete l'humor.

Altri hà pur fata sì copiosa pesca.
     Altri hà cavà sì rica grazia al loto,
     Che brameria, per quiete, un Cameroto,
     112E, per fin de i dolori, una baltresca.

Ma l'uno, e l'altra sia d'ugual fortuna,
     E ugual d'età, ma deme nobil questa,
     E quel'altro plebeo, d'haver no' resta
     116L'infelice Christian sorte importuna.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Il_vespaio_stuzzicato.djvu/180&oldid=62839"