Pagina:In gondoleta.pdf/78

EL GONDOLIER

---

Ad Antonio Maschio.

I tempi cambia e lu no cambia mai:
     Sempre alegro, zentil e ciacolon,¹
     Pronto a inrabiarse² e a far la pase, bon
     4Co' in gondola el conduse inamorai.

Filosofo, educà. Tra i "premi" e i "stai"³
     Lu canta malinconiche canzon
     Co' 'l va per la laguna a zirondon⁴
     8O co' 'l va via tra 'l scuro dei canai.

Anema bona e calma de poeta,
     Franco, fidà, sempre col cuor in man,
     11Muscoli tuti assal,⁵ corpo d'atleta,

Eco 'sto caro tipo del sovran
     Dei canai, de la mia laguna quieta,
     14Eco 'sto caro tipo venezian.

---

1. ciacolon = chiacchierone.
2. a inrabiarse = a montar sulle furie.
3. «premi» e «stai» sono le grida convenzionali tra gondolieri per dire di voltare la gondola a sinistra o a destra.
4. a zirondon = in giro.
5. assal = acciaio.