La gera bionda, bionda come 'l mar
Soto un tramonto d'oro;
Se sentiva nel canto suo scherzar
4De rusignoli un coro.
Splendeva ne i so' oci el senso arcan,
Dolçe del firmamento,
Ghe portava dei basi da lontan
8De l'orïente el vento.
El mar ninava1 el so' sogno d'amor
Co un'intima dolçezza:
El sol scaldava el so' zovene cuor
12Co un'infantil carezza.
Le stele che sluseva su nel çiel,
In alto l'atirava;
La luna, col nebioso e bianco vel
16A l'anema parlava.
* *
....In una note nera, malinconica,
El vento ga ruzà,2
E el mar, el queto mar, fato teribile,
20Orendo, el s'à inrabià3.
