Ton. Se magna po, n’è vero, Siora Pasqua?
Pas. Sì, fio.
Ton. De Diana! Xe pò ora! Gò
Una fame che mai gnanca in collegio
Ò audo la compagna. Ma la diga,
Ghe sarà po confèti?
Pas. E come, fio!
Ton. Oh! vorla che ghe ajuta a parecchiar?
Pas. Come ch’el vol! Caro quel Muso belo!
preparano insieme.
Oh cussì, bravo! Che Puto de sesto!
El par un Paladin, co dise quelo.
Ton. Chi? Qualo Siora? Cheerrata corrige originale xe che lo dise!
Pas. Eh me intendo po mi, co dise quelo.
Ton. Ma chi xelo costù, che Peladin
Me dise a mi, che go tanti cavei?
come sopra.
Pas. (Sto puto và ala sensa!)
Ton. Siora Pasqua?
Pas. Fio?
Ton. Vorla, che co l’à fenio
Andemo un poco a zogar a le carte?
Sala zogar? a cossa?
