Che me obligasse andar fora de casa a Zan.
No me l’averia messo, e dizzipà.
La parentela e l’amicizia, Sior
Zaneto, caro, la xe bela e bona
Ma vù mel pagarè.
Zan. Sior sì.
Mat. all’orecchio di Nadal. Che avaro!
Nad. Sieu maledetto! Me lasseu mai star?
La roba, Sior, la costa bezzi. I bezzi
Xe ‘l primo sangue. El sangue xe la vita.
in collora.
La vita e i bezzi xe l’istessa cossa.
Ma mi stimo più i bezzi che la vita.
Cossa far de la vita senza bezzi?
Mi vorave esser morto, e aver dei bezzi,
Piuttosto ch’esser vivo senza bezzi.
Zan. Via, Sior, el tasa. No goi dito che
Ghe darò el mio!
Nad. Seguro?
Zan. Senza dubio.
Nad. Ben, ve chiapo in parola. (No ghe mal!
Gaverò questo e quelo. Za in scarsela
Cinque zecchini ò messo, e qualche lira!)
da se.
Lug. Dov’eli i sonadori? a Nadal.
Zan. Dove xeli? a Nadal.
Nad. Feli vegnir avanti. Ecoli quà.
