De no dar fora un strazzo de zecchin,
Siora Lugrezia sbragia, Sior Matio
Burla e ride de tuto con un gusto,
Che n’ò mai visto el so compagno al Mondo.
Zaneto tase, ma per sogezion
De mi, che sola me vergogno, e rossa
Me fazzo in viso, che paro de fogo.
No posso tolerar che sul mio viso
A mio Pare se manca de respèto
I ghe dise insolenze, e vilanie...
No ghè caso, non posso, e m’ò cavà.
(Vardè, se son atorzio co la testa)
Sioria Tonin. Steu ben? Sè vegnù grando!
(No l’aveva nè visto, nè sentio.)
Ton. Son grando, Siora sì; son cressù assae
Son più grando de ela! Cara Siora
Misuremose insieme.
Nell’alzarsi se gli slacciano per di dietro i calzoni, ed egli tierrata corrige originale tiene colle mani e resta imbarazzato.
Anz. Coss’è stà?
Cossa gaveu?
Ton. (Sia malegnazo! Adesso
Adesso stago fresco! Se m’à roto
La cordela da drio de le braghesse.
Coss’ojo mo da far?) da se. Eh gnente, Siora.
a Anzoleta.
