Ton. Perchè, ò roto... Siora
Zan. (Cossa alo roto?) da se.
Ton. Ò roto...
Anz. Mo via po!
Ton. Me vergogno dasseno! In tuna recchia
In tuna recchia, se la vol, ghel digo.
Zan. (In tuna recchia? O povereto mì!
Cossa che pagarave de sentir!) da se.
Anz. Via ‘n tuna recchia.
Ton. Ò rotto le braghesse. all’orecchio.
Anz. Via, zelo sto gran mal? (Povero stolido!)
da se.
Ton. La me fazza un servizio, cara ela.
Anz. Cossa voleu? Ma destrigheve.
Zan. (Atenti!) da se.
Anz. Via, destrigheve. a Tonin.
Ton. No la diga gnente
Cara Ela a nissun. Ma sora tuto
No la fazza ch’el sapia el so Novizzo.
Perchè....
Zan. (Mi no l’ò donca da saver?
O povereto mì!) da se, smanioso.
Anz. Perchè mo? a Tonin.
Ton. Oh bela!
El me farà burlar da tuti quanti
No la ghel diga, cara Ela.
Anz. No,
No; no ve indubitè!
Ton. Vago in Cusina. avviandosi.
Zan. (In Cusina?) da se.
Ton. Me fala un’altra grazia?
Anz. (Oh l’è longa!) da se, disè.
