VERONA
Verona la gà l'Adese che passa
E l'Arena che'l tempo la minciona,1
La gà le vece2 mure che la brassa3
Coi merli in alto come ’na corona;
La gà nel cor la so più bela piassa
Col Gheto antico e con la tor che sona;
La gà San Zen che'l ride che'l se massa,
Benedisendo la so jente bona;
La gà ’na storia de memorie sante;
La gà par fioi dei Carlo Montanari,
Fra ci gà volù ben la gà anca Dante.
L'è sempre stada de bon sentimento
E la gà vù4 fra i so sogni più cari
Quelo de darghe presto un baso a Trento!
