Pagina:La Venetiana.djvu/13

Sta pagina la xe stà trascrita, ma la gà ancora da vegner rileta.

SCENA SECONDA.

Mascherata in Gondola con tutti quelli di sopra.

VIva viva Carneval
          De i chiasseti l'inventor,
          Dele mascare e'l Signor
          Solenissimo, imortal.
Done bele quel musin
          Tuto lustro, e profumà,
          Hozi e'l vedo imascarà
          Con solazzo sovrafin.
Ohe, barca, Gondolier
          A sto Rio no te acostar,
          Quà volemo festizar
          Così porta hozi el dover.
Vegna pioza de la sù,
          Care fie nù semo qui;
          Tiò dixè; pia anca tì
          Carneval fè tuti vù.

Questa canzonetta un solo la canterà, e finito ogni quadernario di strumenti, risonerà una sinfonia bizarra al par dell'aria.

Cocalin. Havè rason, havè rason Signore maschere. Tiolè fè soto i bazili; tiolè digo sto persuto d'Inghiltera, che giera quà tacao à sto aguo.

Stefan. Tiolè sto Ocon ingrassà per man de Manasasso hebreo.

Venet. Tiolè (e vel dago certo con le lagrime à i ochi) vedè mò che bel salcizzon?

Orseta. E mi ve dono sti vanti niovi, niovi fiamanti; nò sò, che darve de megio.

Belina. E mi ve dono sta vera d'oro in sto fazzoleto fato de mia man.

Pachie. E mi pur ve dono ste sete lire de candele, fate del