Chi vogava de no ofenderse
Se faceva la protesta,
Che zurada gera in regola
164La vizilia de la Festa.
E in quel zorno avendo termine
De la Corsa ogni esercizio,
I Campioni, dal far pratica
168I passava a un altro ufizio.
Gera questo un ato semplice
De rispeto e devozion,
Che i faceva verso el Paroco
172Per la so benedizion.
E de fati drio le supliche
Che sto fin gaveva in base,
El Piovan premurosissimo
176Se portava a le so case.
Malapena che 'l vegniva,
(Dai parenti circondà),
Lu quel Bravo el benediva
180A la Corsa destinà.
Drio de questo pien de zelo
El passava a benedir
O la gondola, o 'l batelo,
184Che doveva a Lu servir.
In sta barca, za fornìa,
Gera messo co fervor
El ritrato de Maria,
188O de un Santo protetor.
