I vantava la so tempera,
El so cuor, la so franchezza,
E i ghe fava un bon pronostico
24Sin lodandolo in destrezza.
E po dopo verso 'l pare,
Lu in angossa da no dir,
Lo pregava co la mare
28De volerlo benedir.
Gera alora che a le lagreme
Quela scena comoveva,
Perchè 'l pare in ton patetico
32Ste parole el ghe diseva:
"Vien quà, care le mie viscere,
Chè de cuor te benedissa;
E la man che meto in opera
36Tiente sempre in mente fissa.
Benedirte vogia Dio,
Come fazzo mi meschin,
Invocando 'l Pare, el Fio,
40E el Gran Spirito Divin!
Ma el Signor, no meto dubio,
Te, anca Lu, benedirà,
E sicuro la vitoria
44In sto dì el te acordarà,
Se l'augurio ti ricevi,
Che per ti fa i nostri cuori,
Col rispeto che ti devi
48Ai to vechi genitori."
