Co finìo gaveva el pare
Dei so vechi de parlar,
Su saltava so compare
80Pien de zelo a perorar.
E parlando come Santolo,
(Se novizzo el gera al corso),
A so Fiozzo in ton de predica
84El ghe fava sto discorso:
"Vien quà, Fiozzo, atento ascolta
La lezion che i me gà dà
Co anca mi la prima volta
88In Regata gò vogà.
De abadar a quel che digo
Da onorato Venezian,
Ti, per segno, Fiozzo amigo,
92Vien quà, strenzime la man.
Fa quel conto che te parla
Dei to dì chi xe l'autor:
Ti pol certo indovinarla
96Ubidindome a rigor.
A vint'ore xe 'l momenton7
De molarse per vogar,
E per meterse al cimento
100Che certuni fa tremar.
L'aprension da ti procura
Che te staga ben lontana;
Nè te meter in paüra
104Ben che l'acqua sia in Dosàna.n8
