SONETO (*)
Cupido, no tegnirte tanto in bon,
Anzi fa presto, marchia via de qua...
Marchia, birbante, chè za tuti sa
Che no ti ha fato ti sta bela union...
Frusta te digo, toco de bricon!..
Tasi, mostrichio pien de falsità;
Se no ti la fenissi, in verità
Te trago giusto fora del balcon.
Vardè mo che pretese!.. Xela bela!
Me vegnirave proprio i mi dolori!..
Se no l’ha gnanca visto la putela!
L’esempio de i so savi Genitori,
La virtù, la saviezza è stada quela,
Che ha fato che s’unissa i do bei cori.
